變變變生命力之旅

其實有多久沒有去過動物園呢?
真的好久好久了，去動物園常常版視為小朋友的活動，
不過我是很喜歡去的(但如果去活動地方好細的動物園又會覺得太殘忍!)
在我的終極旅行夢想-->去非洲睇動物大遷徙未成行前，
看和Uncleman脆脆地去轉番禹吧！

這次去番禹的動物園感覺比多年前去的變得更大更大！
而且有一個重點！就係這次可以睇熊貓！

大家就……來一趟非專業的動物導賞之旅吧…！

這些鳥也紅得太photoshop了吧，由於我國「頭髮變醬油」、「大便變古董」
等之事屢見不鮮，我們竟然有些懷疑這些鳥的紅色是不是……(假的)
如果唔係，大自然請原諒我地小人之心！
(大自然︰其實唔知色係假！d雀都係假的！佢地係雞扮的！)

猶記得九龍公園(?)都有紅鶴，不過如這裡多到自成一國真的沒有見過！
佢地單腳都可以企咁穩仲可以冇水腫保持苗條，大自然真奇妙！
我雙腳冇成日企都好腫！

 

當年小學科學書(果時仲係健教+社會+科學3本唔同書!)常見到的婆羅洲猩猩！
擺明有一隻係長老，悠閒地坐著甚是hea，差在冇個煙斗俾佢噴煙...

這隻狒狒狀甚可憐，遙望他鄉，唔知係咪掛住緊另一隻狒狒?
還是我把狒狒想得太浪漫?

總覺得長頭鹿的樣子長得好善良!!長長的眼睫毛也很漂亮!
而且在紀錄片時看到他們一群高個子在跑跑跑，頸又唔會打kick，
就覺得好感動！

連食相都好良善!!!

繼懷疑上面班紅鳥係假色，我們再次懷疑這隻像是十年也動也不動的
「樹熊」係唔係搵個公仔夾入去就當係真……
(香港人的疑心病真重...)

他們是白袋鼠，好像是白老鼠的放大+大肚版，個人覺得有點得人驚……
因為我是覺得白老鼠也令人害怕!!!

學我阿媽話︰「你唔好再懶d? 」
見到這班袋鼠，我都好想將這句轉贈…

我認為豹哥是眾多動物中身型最fit的！看到他這個像是為跑步而生的身型，
又要再次讚美大自然!!!
而且…你的豹紋也太正了！

另一令人愛不釋手的紋-->斑馬紋！
遊覽的車子走經斑馬區時，uncleman叫我要好好拍到一頭美麗的斑馬，
我看近了近了！快拍！！！！！

 

 

結果……

 

 

拍出來是這樣……

 

 

 

我只拍到一堆紋…一堆斑馬紋……

WOOOO到那天的重頭戲!!(只是對我來說)
PANDA!!!!!!

這動物園的熊貓比海洋公園多，而且活動空間也大很多，
在這裡應該會開心一點吧！
btw，熊貓的動作有時真係好似人！
我們那天就看到一隻熊貓在用樹幹R痕R了好久！
R了好一陣他才滿意的繼續睡，
好想同佢講「不如我幫你R啦！」(或許丟支"不求人"俾佢)

有冇人話我知，lee pat 係地毯還是係熊貓?????

牠真的望鏡頭了！！！

因為這次去得遲，所以很多動物都沒有太多時間仔細觀看，是有點少可惜，
但一邊看也是一邊覺得大自然好奇妙！
怎麼可以有這麼多不一樣又有趣的動物，
不知道下次看動物，是不是可以無限跳級到去睇非洲的動物大遷徙???
(我應該會驚訝到說不出話來，我睇planet earth已經睇到呆左！)


同場加映︰波波在廣州地鐵內示範彈鋼琴的魅力……

 

個人卻認為似抽筋居多，
人可以做出這些奇怪的行為，
又要再次讚美大自然的神奇，創造出人這種生物……

 

其實我……

是喜歡看野生動物紀錄片……

變變變生命力，是小時候一定要看的節目！

現在長大看到聽到很多人和事，也好想說一句真是「變變變生命力！」
但願我們都可以開心不變！