Uncleman在花蓮Day1.1︰花蓮如此歡迎你！

Uncleman繼3年前環島後(下！原來已經咁耐之前！)再次出遊，
竟然是再一起翻煲花蓮……
其實事緣在台灣觀光局香港辦事處的陳主任有一天竟然留言給我，
說希望我們可以去參加香港直飛花蓮的首航團，
介紹一下花蓮……
聽到的第一個反應是「我們何德何能！！！」
初時竟然還因為一些原因想reject了，
不過想起來真的是一個好難得的機會讓Uncleman聚在一起，
還是重遊舊地！於是我們作出最大努力跟公司請假，
希望可以再次一起出遊！
而唯一的concern就是……

肥Kim︰「陳總知唔知你已經人氣收收地皮，仲叫你去?」
我︰「佢應該唔知……」
肥Kim︰「e+先叫你真係唔arm timing」
我︰「我都驚去左寫冇咩人睇，就好似介紹唔到花蓮…咁我地都…照去?」
波波︰「咁難得的機會，照去唄！」
諸多麻煩的我們還要跟陳主任說條件，又說什麼希望不要硬性規定去邊啦，
又要想有果句請果句唔會老吹啦……等，觀光局都一一答應了！

於是，Uncleman在短時間再次成行，這令我們在出發之前都不可以相信︰
我地聽日又一齊去台灣了！！！

--------------------------------------------------------------------------------

Day 1.1 花蓮如此歡迎你！

因為團中有波波這個人，熟知她的人都知道，
她是危險品隨時爆炸……
(不知道者請參考「翻炒墾丁之旅」看她出發時做了什麼好事)
所以之前那一晚已經叫他不要亂吃東西，結果她都聽聽話話，
當日沒有出事！正當大家以為一齊都會順利之際……
發現佢張boarding past竟然串錯左佢個名……=..=
又攪了一輪「幾驚佢上唔到機」驚魂，
只可以話波波，你總係點都係爆一爆！

一齊妥當，仲要食埋閘內的大雞樂早餐！只可以話好耐未吃過咁好味的早餐了！

(師奶的悄悄話︰喂！大雞樂個咩楓蜜雞扒早餐，根本係雞塊而不是雞扒吧！)

臨行前，陳主任說去到花蓮會有個簡單的歡迎儀式，
我們就在廢up會唔會係一落機就俾花圈我地戴行紅地毯……
大佬，你估係總統出巡嗎????總之極盡浮誇之能事!!!

是次由香港直飛花蓮的航直公司是華信航空，是中華航空的分支，
以後大家想去花蓮就可以直飛，機程同台北一樣都係個半鐘咁上下，
不過應該暫時都是較小型的飛機，就我們所說，我們那架飛機只有百多人，
除了我們幾個bloggers，還有一些記者和一團康泰團！
是次上機不如平日一樣直接由通道行上去，
而是坐車到停機坪再自己行樓梯上去……