今晚要扮韓國人！

雖則這次去台北是去工作，不過有連到星期六、日的關係，
所以晚上就可以跟台灣朋友出外吃飯了！
台灣朋友莎拉一早就熱心的上網搜尋了一間聽說不錯的韓國餐廳要帶我們去吃，
(lee件事本來通常都係我做的，現在人地做自己就un un腳跟人去原來咁爽！)
好吧好吧，你說什麼就吃什麼，什麼也試試看XD

話說我們要去的那間韓國餐廳在師大夜市附近(之前有台灣blog友猜對了! 厲害!)，
因為還未到訂檯的時間(係呀最好book定檯，因為店不大而且會有人排隊)，
我跟台灣朋友當然就先去師大夜市逛逛，
在我去過的幾個台北夜市中(士林、饒河、基隆)，就覺得師大最好逛，
因為真的好多年青人的服飾店呀玩具店呀什麼的，
只要稍稍愛shopping都可能在此留下好多張台幣……
而且仲有好多裝修有特色的餐廳小店，尤其多意大利菜，
最重要是價錢不貴！！！
我跟朋友幾經辛苦先可以忍住唔轉呔死守要食訂左的韓國菜……
(真係好難選，想像下你係咁行經過一間又一間好似好好味的餐廳，
入面的人將一注creamy的意粉放入口中食得好滋味……)
雖然這次我們憑住大長今的決心忠於韓菜，
不過同時都發誓(洗唔洗咁嚴重)他朝我們必定回歸一嘗意菜！
等我啊師大的餐廳們！


師大的衣飾小店好喜歡養狗的嗎? 每次去都會看到小店中有狗狗！

這一隻東張西望仕影唔嬲好可愛

狗狗︰「影完未呀，唔買過主啦」

逛逛逛逛又吃了兩個許記生煎包，終於到了用餐的時間！韓食gogogo！

我們這次去的就是這一間！大韓門！(請用King Sir的聲音有氣勢讀出)
名字是好有氣勢但其實裡面一點都不大，
而且看來是家庭生意，由韓國的媽媽主理啊！

即係咁，我話就話要介紹，
不過請原諒我其實冇咩影到相……
為什麼……因為菜一上來，我們就迫不急待的要吃，影鬼影緊咩……
當你口咬住一舊海鮮煎餅熱喇喇，就會什麼都忘記了XD

相不多但總有話說，泡菜陣方面，這裡的泡菜款式不算多，
大約有5小碟，不過其中特別點的一碟，就是是由甜不辣做的，
當甜不辣遇上韓式泡菜的醃料，想不到又好好吃！
可能我本身都喜歡吃煙煙unun的食物，所以就好喜歡這一個！

我們點了︰

石頭飯
這個飯漂亮的上場，但不用幾分鐘給店員「分解」，因為他會問你要不要
幫你分飯，你答「要」，兩分鐘後佢就會同你分裝好……
你可能連原來的石頭飯生咩樣都未睇清楚XDD

我之前有吃過沒有飯焦的石頭飯，而這次這個……有飯焦了>3<，
混著韓式辣醬真好吃吃吃吃，吃得辣的可以自行在加辣醬！

炒辣年糕
我這個「戀煙UN王」很喜歡這個，因為好煙UN又夠辣，吃了下去，
那個酸酸辣辣的辛勁才慢慢的飄上口腔，
有點吃不到辣的台灣朋友都吃不下去了:P

海鮮煎餅
我曾經吃過「莊園」的海鮮煎餅是失望的，因為……大佬咁貴，
你個海鮮煎餅都冇咩海鮮既?
而這一所媽媽主理的家庭式餐廳又如何呢?
海鮮煎餅都頗大份，4個人都一定夠曬可能仲有剩，
而且……

令人感動的橫切面……厚厚的夾著新鮮的海鮮，
拿拿拿一睇lee個魷魚就知道唔係雪藏的，另外仲有蝦都係新鮮貨，
這才是真的海鮮煎餅嘛~~~
不過因為幾大份又是煎的，如果兩個人吃就可能會太 "留"了~~


燒豬五花肉 兩份

韓式燒肉！其實有多種，不過因為我們不想太多肉就只選了豬五花！
老闆說一份不夠於是我們就點兩份，我們以為兩份係just ok啦，
誰知道兩份都ok多……老闆我地個樣似咁大食嗎……XD
(BTW, 都係食曬……)

這裡的豬五花好滑好香，老闆用醬油及檸檬(?)把肉俺好，
再幫我們放上架上燒燒燒 …
(因為老闆睇唔過眼我們掛住吹水唔翻肉，驚攪到佢的心血燒過頭…)
燒完將充滿油香的肉放在爽脆的生菜上夾著吃…

肉又香又滑而菜又好鮮脆，唔識講……總之好味……

海帶湯
點解要點一樣好似咁普通既野?
其實都係因為韓劇XDDD
因為看韓劇時都說他們生日要喝海帶湯，
那我們又來試韓式的地道風味吧！(而且海帶湯可以清熱氣！)
原來以為海帶湯只係得海帶……
誰知道一大碗上來時，竟然仲有好鮮味的蜆(蛤)和金菇！
那些鮮味的蜆令整碗海帶湯活了起來XD (係誇張左XD)
湯都變得鮮甜~~~~最喜歡喝熱湯~~~~~

食物全家幅(影唔曬版)

這樣的食物要多少錢~???
我看到價錢時……有點surprise……
例子︰石頭飯 130NT，對是130NT不是HKD！
之前去尖沙咀的韓國街吃過幾間餐廳都沒有這個價錢呢，
所以韓食對我來說都是有點貴的，SOOOOOOOOOOOO
看到這個價錢，well，我這個師奶覺得好開心囉哈哈哈哈哈哈
這一餐埋單每人50多元HKD (5個人)，
食物沒有比莊園差，有些甚至比莊園更大份又更好，
不過價錢就差好好好遠！
這個價錢這個質素，我是滿足有餘了，
可以跟去台灣吃到好東西又跟平日很少見的朋友吹吹水，
真開心:)))

(譯︰哥！我愛你！)-->請想像用韓劇女主角口吻讀出以上拚音
不會誤會，那個「哥」是指食物XDDD
講來又講，近來身邊的人都在看韓劇《原來是美男》相繼陷入瘋狂不能自己，
我都睇下又停下的睇完全劇了，何解我無咩feel……
朋友(怒指)︰「你冷血架！」


嗚……難道我已經失去了少女心 (嘔……)，
明明我以前好鍾意睇流星花園的！道明寺！

大韓門
地址︰台北市大安區師大路76號
點去︰好易去，於台電大樓站下車，在師大夜市出口出，
一出直行看到萊爾富(or係全家? 總之係便利店啦下XD)對面馬路就是了！
電話︰02-23621011