親愛的喉嚨

親愛的喉嚨，

    你知不知道為什麼我要咁無聊寫封信俾自己個喉嚨?
因為我我已經忍你好久了！
自從一年前(係一年前！)你來個什麼「喉嚨潰爛」(諗起都嘔！)之後，
明明已經康復，卻三不五時就來痕痕痕痛痛痛，痕到我都想伸手入口內搔你了！
可是！你是喉嚨！我R你唔倒！你這個陰濕的傢伙！

    這一年多來，中醫西醫古法新法連X光都照埋，什麼方法都試過，
你卻還是痕痕痕！醫生說已經不關戒口不戒口的事了，而是「喉嚨敏感」，
大佬，你有冇敏感到郁d就痕到我坐都坐唔安呀?敏感什麼呀????
你係咪當左自己係皮膚呀成日敏感? 你係喉嚨呀！醒下啦！

    算！lee d我都算喇！點解我只係食左幾粒，
係幾粒芥辣青豆你就要痛到PK?!
幾粒青豆姐！你洗唔洗咁誇張呀?你知唔知你一玩野，
你班老友呀傷風呀感冒呀又會跟埋黎，然後常常被你們弄至失眠，
你係靚仔的話我失眠下都抵啦(又廢嗡了…)，但你係一個好痛的喉嚨！係喉嚨！
而且常常因為你而痛醒了！你知不知道因為你……這一年多我請了多少病假?
平均一個月一次！大佬！
你咁攪法好似令到我每個月都侯住一日sick leave quota黎放…
有冇咁準時呀老細???重點是！我有很多很多的工作要做……
請一請病假，都不知道了OT多少來補回……=..=

    在「我最討厭的身體痛排行榜」中，明明胃痛是在你之上的，
不過！就因為你經常玩野！你已經成為第一位我最討厭的痛了！
你知不知道……你在痛痛痛但我還要打電話接電話，
痛得讓我覺得有人在你裡面放火了！而且……往往在這個時候就會接到一些
很煩人的電話，有冇咁巧合呀?!

    一年多來，你又是痕痕痕又是痛痛痛，你唔悶我都悶啦！
你可不可以生生性性做回一個正常的喉嚨? 我不是千金沒有什麼好的
補品去滋潤你，所以請你做返一個窮人應有的喉嚨，
唔好咁玩野！我今天又因為你而請半日sick leave……
唉！我以後都不吃芥辣青豆了！

給你弄而整夜失眠繼而發癲的主人  上