三年前的遊記

多謝大家的關心！
我的電腦證實了只是壞了火牛，hard disk沒有事，
所有資料和相片都得已保存了！
我這個電腦白痴終於可以安心了！
「見過鬼都怕黑」的我，即時做了back up，萬無一失！(除非磁力王真是來找我)
在此要謝謝丸丸和她的弟弟替我打救電腦，
真的十分十分謝謝！

就在back up 儲存在電腦多年來的資料時，給我找到了以下這個遊記……
這個遊記是寫於三年前我與好友Kennis一家同遊中國梅州之後，
那時不是自遊行，而是跟團的，看著這個三年多前的遊記，
只可以說……為什麼我現在的level好像跟三年前還差不多……

以下藍字是三年前的我，紅色是現在的我……
(這個遊記是廣東話寫成的，就辛苦了台灣的blog友了！)

三天梅州之旅已經完滿結束, 是時候打打我的遊記~~~

      第一天的旅遊景點係霍山, 當初一聽到導遊小燕話我地要去霍山
時, 竟然以為她講既係「霍生」, 就係一個人-----我以為要去lee個人
既唔知咩地方--------我懷疑自己痴左線.......最後當然霍山係一座山
啦................
(竟然以為霍山係霍生，到底三年前我的是如何可以存活到現在?)

        我以為一落車就係霍山, 可以周圍俾我地映下相行下咁, 點知小
燕話:「大家大約行個半鐘就可以上到山ga喇」......................咩話??!!
原來要行成個幾鐘先可以去倒霍山, 這個霍山就好似霍生(霍啟剛)
一樣離我地好遙遠!!! (看來那時是十分留意娛樂新聞的……)

我同kennis個體能有幾好先得ga.......於是我地行
到好似阿婆咁.....好慢好慢, 一路行, d 師奶、阿伯、阿嬸都不斷超過
我地....可謂...........

前無古人……

後無來者……
(看來體力方面，我都沒有進步過！)

雖然好累, 但係一路行睇倒d景真係好靚, 我同kennis 這些山水派只好
頂硬上, 行行下.......看到周圍的景色……

行行下....突然有好熟悉既感覺, 因為阿霍山好高, 條路響崖壁邊, 好
似好兇險咁, 同李白一篇「蜀道難」既畫面好似....李白話
:「噫吁戲！危乎高哉！蜀道之難難於上青天。」睇見kennis個家姐
因為畏高而叫到哇哇聲, 真係有蜀道難既感覺, 李白仲話個蜀道
「黃鶴之飛尚不得過，猿猱欲度愁攀援」, e+輪到她的姐姐愁攀援了,
不過如果有畏高又真係好驚既, 睇下箭咀我地響邊度行就知個情況
都懶係幾凶險下.....

雖然好累, 不過係值得的!!!因為上面景色真係好靚呀~~~~~
當上到一個我同kennis已經係極限既高度時, kennis爸竟然話要再上!
佩服!!!跟有又有個0靚妹跟住上, lee個時候有個師奶話:「d年輕人就係
最鐘意挑戰!」lee個時候既我同kennis就坐響石上張大個咀透大氣...
好似野都講唔倒咁........
(嘩……這是什麼年青人……=.=我在三年前已經注定了要做Uncleman的廢族！)

雖然好累, 不過係值得的!!!因為上面景色真係好靚呀~~~~~
當上到一個我同kennis已經係極限既高度時, kennis爸竟然話要再上!
佩服!!!跟有又有個0靚妹跟住上, lee個時候有個c奶話:「d年輕人就係
最鐘意挑戰!」lee個時候既我同kennis就坐響石上張大個咀透大氣...
好似野都講唔倒咁........

一路上山都發現一個好好笑既垃圾桶,

垃圾桶分開兩格, 一格可回收一格唔可, 但係..........竟然兩格都係
亙通的!!!!仲要佢跟本唔可以叫做一個桶, 只可以叫一塊板, 因為lee
塊板後面就係草地呀石呀咁, 根本載唔倒任何垃圾!!佢只可以圍住
d 垃圾!!!
(這個垃圾桶真是好好笑，哈哈，不知道現在還是這個樣子嗎?)

第2晚我地去左搭黃包車遊梅州, 一個比我同kennis瘦好多既女人拉
我地, 見佢好瘦弱, 但就好好力.....一路行, 我地見倒好多酒吧, 奇怪
既係果時明明係夜晚, 但好多pub都唔開, 佢地 d 名仲好娘好好笑,
咩夢中人呀....深情夜呀咁, 俾我都唔去了咁既名~哈哈哈~

我地坐lee個車之前已經俾左錢包左架車的, 點知個女人問我地再拎
tips, 之前個導遊話如果佢地問我地拎tips唔好俾, 但由於我同kennis
都係奄春, 於是俾左5蚊, 點知個女人好不屑咁拎住個5蚊……
「嘿！」冷笑左一聲……
這一下冷笑真的令我同kennis即時呆左……又好想笑

相中那女人就是那個冷笑人……

之後我地去左聽d人唱山歌, d人好勁, 即時唱另一個即時對,
不斷咁對唱, 我地d團友因為唔識唱就亂唱, 求其似似地個音就亂up
「er~~~我都唔識唱都唱呢er~~~~~erererere~~」
d梅州人一定唔知我地做咩……

之後俾我地發現左有間中華書店, 我地lee d文化人梗係雙眼發光咁
，大陸書又平又靚ma~!點知去到佢就黎關門,我地咪啦啦聲買啦,
我買左本"宋詞三百首"(但家中的唐詩300唔知有冇睇倒5首....), 攪
笑既係......佢唔係俾膠袋我裝住或者是不用膠袋, 而是.......

咁樣扎俾我!!!!!!!於是我就拎住條繩, 好似買咸魚咁,
或許...佢想襯返書側邊既扎繩?!??!?!!?!!

(結果這本宋詞三百……大概只看了十頁，唉唉唉！愧對了中國文學！)

趣事一覽:
1)西米路事件
   第一日搭車時架車去到一個地方搖得好西利, 跟住個導遊就話這
  條叫「西米路」, 我就諗做咩個路名咁核突ga咁, 但原來條路根本就
唔係叫西米路, 而係個路面粒粒突突好似西米咁.....導遊就幫佢改左個lee個名,
於是之後兩日一遇倒d 搖下搖下既路, 大家都異口同聲咁話
「哎呀, 西米路！」, 一去到一d搖得好勁既路, 就叫佢做「芋頭西米路」，
因為芋頭西米路多左芋頭, 更加路面不平更加"粒突"……

2)某日去到一個公園連廟，那裡所有的樓梯扶手都是一個個永澤頭

有好多好多永澤……
(到底我們是去看廟還是看樓梯的扶手? 重點好像不在那裡……)

2)脹爆陳冠希事件
平時我地咁鐘意食零食, lee次上去準備不足, 攪到冇零食食, 又好想
食薯片wo, 於是就買左陳冠希薯片喇, 即係佢做封面個薯片(其實成
個梅州好似得陳冠希薯片買, d人咁愛陳冠希?)我地買左幾包, 食唔
曬, 於是就擺響車尾, 由於天氣好熱好曬, d陽光透過window照入黎,
根據冷縮熱脹既道理.....edison竟然變左.......

 

 

脹爆edison!!!!!!!脹到就爆咁!!!可憐的edison!!!!!!
見倒edison脹成咁真係唔捨得食, 於是edison就俾我地當枕頭響
車上訓, 挨住edison個感覺.........好爽, 脹爆的他好結實~~~oh edison~~

「大家好！我是edison！我除了懂得發脹俾你當枕頭，仲識.......」

 

 

「變臉！係咪認唔出我就係果個靚仔edison???」

(看到這裡，我忍不住笑了……現在應該不會再有edison封面的薯片，
三年的變化真的可以好大，而亦都可憐edison這樣給我們「摧殘」……
看看這個段文字，我亦不禁要說那時的我真像個「死0靚妹」……)

雖然lee個行程看似唔係好arm 年輕人玩, 不過我都好開心, 首先
衝出hk個心態已經唔同d先啦, 我又鐘意睇下風景, 映下相咁……

那時的我那會想到三年多後可以去台灣環島，看風景看到飽，拍照拍個飽，
笑到飽，吃到飽??

現在沒有時間沒有金錢去長線旅行，真想來一個好像以上這個短線旅行都照殺，
去哪裡都好，保持開心就好了，看一包edison薯片都可以玩這麼久，
就發現了在旅行中自娛也是好重要的:p