電腦白痴

當一個電腦白痴回到家發現電腦開不到，
第一樣想到的事情就是……
「死啦死啦！咁我電腦入面d野咪冇曬? 唔得架！」
冇錯！這個電腦白痴，即是我，一想到可能會冇曬d相(包括Uncleman的幾GB相)，
就成個人騰曬……
即時打給友人求助……
「你可能你死左火牛姐！」友人說。
「係咪架?會唔會入面d野爆炸燒曬冇曬架?」-->嘩！這個問題似乎十分的白痴！
「應該唔會死hard disk 架！你試下換左個火牛啦！」
「火牛係咪插響出面果個?」


然後又是一連串無腦的電腦問題……對於電腦白痴如我，
壞左電腦就覺得好似個電腦會救唔返，六神無主……
現在用緊一部半死的後備電腦打blog的我，
只有祈求我的電腦只是死火牛這麼簡單……
因為我實在有太多太多重要的東西在裡面……
我這一刻真的為我的電腦汗顏呀！！！

就是這件事令我記起上星期和丸丸的一段無聊對……
那時我們正在旺角電腦中心多買320GB的硬碟…

我︰「lee舊野會唔會好易壞架?」(指著買了的hard disk)

丸丸︰「你唔好撞倒佢同埋唔好整d磁石黎磁佢就冇野既！」

我(驚慌)︰「下……咁佢e+響我個袋度，入面有信用咭、
8達通之類果d磁帶會唔會有事架?」

丸丸(有點為我這個問題而語塞)︰「下……梗係唔會啦，冇野架！
我諗真係要一舊舊果d磁石先可以整死佢lor！」

我(驚慌地)︰「下……咁如果我地遇倒一個成身都係磁石既人行經過，
我個hard disk咪會死?」

丸丸(失笑)︰「係呀，如果你遇到X-Men個磁力王就死梗喇！」

我(繼續說廢話)︰「咁希望我千萬唔好遇到磁力王呀！」

磁力王呀磁力王，壞火牛好喇，
你唔好整死埋我個hard disk呀！
有好多Uncleman的相同videos 架!!!