我的書是一條腸?

在簽書會前一晚，Uncleman去了快將清拆的牛頭角下村大排檔聚聚，
沒有冷氣，還要在大熱天下吃炸到你飛起的炸大腸，這就是風味?:p
在如此的環境，當然要啤啤佢，但沒有選到藍妹新力喜力…
我們選的是…

大樽的風花雪月，在如此「街坊」的環境下喝一喝這麼浪漫的啤酒，
真是美麗得矛盾啊(即係咩???XDDD)

我︰「唔該要一支風花雪月啦」
伙計︰「一支點夠你地風花雪月呀，要多d 啦！」
我︰「夠架喇，我地飲下有幾風月雪月先」
真係一個好正的啤名XDD

uncleman中除了Karman和肥kim之外，其他人都唔係咁飲得，
幸好原來風花雪月其實又唔係好風花雪月，酒精量很低，
而另有一版本是酒精量較高的，叫乾柴烈火…

(哈哈哈唔好意思，乾柴烈火是我老作的XDD)

正在研究風花雪月內有什麼乾坤咁浪漫


飲勝!!!!

雖然氣氛應該是輕鬆又麻甩，但因為是簽書會前席，我還是忍不住要緊張:p
現在簽書會完了，趕書期也完了…
這個weekend我仲唔訓返10個鐘?!?!?!

書出了，喜歡問問朋友看了沒有，每個人都說「好快睇曬啦」，
真的多謝捧場，唯獨……

我︰「你睇曬我本書未」
Karman︰「未呀……」
Karman︰「我唔捨得咁快睇曬呀，
對佢就好似腸仔包入面條腸仔咁珍惜」

估唔到我本書係一條腸XDDDD
但我好喜歡這個比喻呀下，要知道腸仔包入面條腸仔真係好珍貴!!!
直到現在我還是覺得腸要留在最後吃才完滿!
但係此句表面上好lum的說話如果套用在男女朋友的對話上…

家明表哥︰「婉君表妹，我會好好珍惜你，就好似腸仔包入面條腸仔咁…」

如果調轉會更hurt…
婉君表妹︰「家明表哥，我會好好珍惜你，就好似腸仔包入面條腸仔咁…」
家明表哥︰「可唔可以唔做腸仔…」(XDDDD)

所以Karman，你要小心dXDDDD

oh 離曬題了:p:p:p
總之，希望大家食腸仔食得開心，
最好腸味齒頰留香(真係好核突的比喻)
這就是這本書想做到的事了:)))))