《五個背包的廿七天練習曲》專題報導

嘟嘟嘟嘟嘟嘟……(新聞節目背景音樂)

熊貓瓊︰「大家好，歡迎收看熊貓新聞專題，以下專題將由熊貓瓊報導。」

「經常被友人冠以"電車女"之名的YY，近日出版左佢發夢都唔信會
出既書《五個背包的廿七天練習曲》，新書出版令佢十分緊張，
連發夢都見到自己響書局執書，lee個可能係一個預言夢，暗示佢
遲d可能會「執輸」……」

「唔好意思，離左題，講返佢本書，YY的新書將會送出台灣的來回機票，
買左書的記得寄回條去抽獎啊，除此之外，出版社將會為這個屎忽鬼辦
一場分享x簽書會，詳情就如場面所示，咁到底分享會除左簽書仲有咩好做呢?」

「為左攪攪震，當日既主持會係YY又愛又恨既戰友Uncleman其他四位成員，
這四個恐怖主持，聲稱不會告訴YY當天他們會說什麼問什麼，務求殺她
1000萬個措手不及，看來YY只好自求多福，本電視台就派出特約記者熊貓杰
去訪問一下這四個攪攪震主持……」

熊貓杰︰「唔該曬熊貓瓊，響我身後既就係狂攝緊鏡既Uncleman，
我地就問一下分享會當日佢地會做d咩。」

肥Kim︰「哈哈哈哈！我地係唔會俾YY知道我地問d咩既，
你叫佢唔好諗住可以估到我地既問題！我地咩都做得出！」

波波︰「哇哈哈哈哈！平日我為左佢犧牲色相、拋頭露面，lee次我終於
可以報仇喇！哈哈哈哈！」
熊貓杰︰「請問你既"色相"可以響邊度找到呢?」

Uncleman + 熊貓杰︰「哈哈哈哈！睇住黎啦！」
熊貓瓊︰「熊貓杰！請你返回工作崗位！熊貓杰！」

「好，俾Uncleman做MC，唔知YY有冇後悔當初既決定呢? 點都好，
我地現在就睇睇是次為lee本書而計劃既比賽，叫做"跳跳相比賽"，
顧名思義，就係比賽拍充滿活力的跳跳相。」

「參賽方法就如畫面所示，參賽作品中的跳跳人數不限，一個又可以，
幾個又可以，不過請響電郵中註明你是相片中的誰，每人限寄一張作品，
電郵題目請註明"參加跳跳相比賽"，勝出者一名將會得到神秘禮物……」

熊貓杰︰「為左更了解lee個唔知有冇人會show佢既比賽，我地
又找到YY作訪問，佢e+就響我身後…」

熊貓杰︰「請問點解你會攪lee個比賽呢?冇人show你你咪好樣衰?」
YY︰「喂！俾我食埋個包好wo！」

YY︰「係呀，係我同uncleman廢up時大家諗倒架，希望有人show我地啦！
因為我覺得影跳跳相好開心，拍出來的效果都令人好開心，
我會送出一份神秘禮物出去架！」
熊貓杰︰「你送得既應該都唔係咩好東西……」
YY︰「係好東西呀！哈哈哈！」

「據YY所說，跳跳相的評分準則是活力和跳躍感，本人就認為
準則模糊，令人唔知佢想點，不過希望大家都可以試一試！
好，我e+就決定試一試跳跳！」

「以上都係一d跳跳相的例子，幾多個人都可以跳！」

熊貓杰︰「我希！咁樣夠活力嗎???」
熊貓瓊︰「熊貓杰！請你莊重一點！節目仲進行緊！」

熊貓杰︰「哎呀！！！PK！」
熊貓瓊︰「熊貓杰！你這個……！！！」

熊貓瓊︰「熊貓杰，請回答！熊貓杰！」

熊貓瓊︰「………」

不好意思，因為熊貓杰lee條……不是，因為機件故障，
所以專題報導要告一段落，大家緊記，如要去分享會的記得要打這個
電話︰29766577預約留座啊！專題報導係咁多，多謝收睇！

--------------------------------------------------------------
以上所說的不是說笑，
都是說真的啊！
《五個背包的廿七天練習曲》真是出版了！
真是可以抽台灣的機票！
真是有一個分享X簽書會，
真是有一個跳跳相比賽，
機票和跳跳相比賽的得獎者將會在會上公佈，
所以希望參加的人都盡量可以來到分享會啦 :)
記得分享會要打電話預約啊，詳情在書內了~:)
因為如果你們在，就可以一次過頒獎了 :p
希望會有人show這個比賽，唔係就樣衰(糗)了(雖然都樣衰慣)
把跳跳相 send來uncleman2007@gmail.com吧!!!

至於台灣的Blog友如何購書，
現在都正在跟出版社商談中，
有最新消息一定告訴大家，多謝台灣的blog友 >.<~!!!!


好緊張，希望uncleman你們當日可以高抬貴手！
不過以他們的個性，都是講就把炮，做就收皮，(註︰放大話)
當天就輕輕鬆鬆當開party就算了吧！:p