打破不合格的宿命！

近來奧運熱潮，天天回到家電視都是播放著奧運的賽事，
雖然我好喜歡看，不過我的運動細胞是000000000000……

由中學開始考羽毛球唔合格直到上大學考羽毛球都仲係唔合格，
中學多年來的體育課考試，,不是低飛考過就是唔合格，
(不過竟然奇跡地響高form考跨欄時拎高分，真係我都唔可以相信……)
到了大學時，可以自己報體育課，
心想︰「一些講求運動細胞的運動我就不行了，
還是選選一些不用那麼「技術性」的運動來報好了。」

因為唔想PE考試收皮，於是就報了一個「健身器械課」，
即係上堂教做gym，學下各個器械係點用，
心諗︰「這次冇死啦！大家都係咁做個機！
就睇下我點會唔合格！」

考試當天, 考做gym的器械,
阿Sir手上會有23張咭, 每張咭上都標示了那個健身器械的名稱，
你抽中哪一張, 就要示範給ar sir看那一組器械如何操作,
響23組器械裡面.....我唯一得一組唔記得...就係一組名叫「伸臂」的器械...
當時既我全神貫注咁睇緊一個叫「臀外展」既器械點用時,
這個時候阿sir就叫我「YY!到你喇！」....

於是我就去抽card.....

唔該你千萬千萬千萬唔好俾我抽到「伸臂」……

22/23抽唔到……死唔信咁黑仔……

一抽..！

 

 

 

 

 

 

 

 

 

 

「伸臂」……

 

 

什麼是1/23?
1/23,
可以係你抽中傅穎閃咭既機會率,
可以係你玩開口中俾人爆破既機會率,
可以係你敲門sell 寬頻plan成功既機會率,
總之, 係一個幾細下既機會率
但係點解我咁會中！


由於我之前太投入睇果個「臀外展」的操作....
見倒咭上既「伸臂」二字……

竟然一時唔知到底係"伸臀"還是"伸臂",

臂臀臂臀臂臀臂臀臂臀臂臀臂
臀臂臀臂臀臂臀臂臀?????

我竟然緊張連屎忽同手臂都分唔倒！

真係覺得果時個腦係生響個臀到！(可能e+都係)

「阿sir, lee個係臂還是臀呀?」(ar sir可能覺得我玩野…)
「臂。」ar sir冷冷地回答我……=.=

oh....食屎了......咁多個我係得lee個唔識....

bingo!就一擊即中!!!

對住一堆鐵...完全唔知點做.....極度迷惑....周圍既同學都黎圍觀....

「阿sir, 不如你俾我抽多次啦!
我真係得lee個唔識做ga ja!!」

阿sir擰頭, 笑左一笑,

於是.......

 

 

 

 

 

0分


比唔合格仲衰……