各位好,歡迎大家收睇熊貓電視台新聞報導,今日由熊貓瓊為大家報導新聞。
首先有本地新聞,就早前海洋公園海狼咬死中華鱘事件,
本電視台終於聯絡到兇手海狼先生作出深入訪問。
請交由熊貓杰作出現場報導。
「大家好,我依家就響海洋公園現場,現在就請早前咬死中華鱘既海狼
為我們作獨家專訪。」
「請問海狼先生你點解要咬死中華鱘呢?」
海狼︰「哼哼哼,仲洗問點解,擺明就係因為條衰鱘臭串啦!」
「唔講由至可,一講把鬼火!
果條咁既中華鱘自恃係咩國寶就擺曬款!
入到黎無叫聲我lee個前輩做大佬都不突止,
仲巴巴閉閉,睇唔起我地,當我地係咩呀? 」
「佢激到我火燒心咪一野咬落去囉!
唔係咩呀?!真係見佢前鰭就憎佢魚尾,
國寶又點呀?!咪又係俾我咬X死左?!
咬死左又唔會捉我坐監,你咬我食呀?!
國寶又點呀?! 好巴閉咩?!
如果我出倒去,咬死埋d國寶熊貓tim呀!
最衰我唔知佢地係咩樣!提起國寶就嬲!仲有呀……」
好唔該海狼先生,熊……唔係,肥貓杰現場報導完畢,交返新聞部……
好……唔……該熊貓強,以下係第二則新聞報導。
北京奧運即將開鑼,幾隻奧運吉祥物福娃都密鑼緊鼓四出宣傳,
飛到北京既熊貓強就搵到同為熊貓既福娃晶晶為我們作出訪問,
熊貓強,交俾你。
唔該你,熊貓瓊。
我依家就身在北京,天氣十分好,幾隻福娃剛剛完成左一輪既宣傳活動,
依家休息緊,我地就去搵晶晶做個訪問。
響我身邊既就係代表熊貓既福娃晶晶,佢話要宣傳奧運並唔客易,
成日要插三塊竹葉響頭上,有得睇冇得食,少d定力都唔得,
不過為左奧運盛事,都要忍忍,佢仲話……
晶晶(國語)︰「說那麼多幹啥?先吃一些才說嘛!」
熊貓強︰「噢………」
(吃竹葉聲)……
熊貓瓊︰「係……熊貓強,咁請問晶晶對於黎既奧運有咩期望? 熊貓強?」
(吃竹葉聲……)
(吃竹葉聲……)
(吃竹葉聲……)
(吃竹葉聲……)
(吃竹葉聲……)
「熊貓強??」
(吃竹葉聲……)
「熊貓強??」
「熊貓強??」
(吃竹葉聲……)
唔好意思,剛才出現技術故障,我地先返黎直播室。
祝北京奧運順利舉行。今日新聞報導係咁多,多謝收看,再見。
--------------------------------------------------------------------
以上just for fun,其實我好支持海洋公園同埋奧運的。
0 意見:
張貼留言