等到了！！！

我想問到底發生咩事……

冇上來幾日……又多左咁多垃圾留言！

我真係唔洗你幫我推推人氣叫我著多件衫哩…

真係唔洗！

yahoo blog的相簿又常常死link……=..=

好好好做咩咁多怨言，返工人士大都都這樣，

返工返到個人累累地就覺得睇咩都唔係好順眼…

Calm Downnnnnnnn 吧

因為！

星期五就放一連五日的公眾假期！！！

大家鼓掌！(拍拍拍拍拍拍拍)

這陣子工作好累，等這個假就好似等左成世咁XDDD

朋友說︰「等男人都冇等到咁辛苦！」
(哇哈哈哈可想而知假期對打工仔幾重要)

套用「離開是為了回來」的名言，那就夾硬說一個

「工作是為了放假」，

冇工作的時候又點會顯得假期開心……

而這個假期好開心的是……

嗚終於等到了！

我們Uncleman又再一起外遊了！！！
(拍拍拍拍拍拍拍拍拍)

雖然只係北上小數天，但離開香港，重拾跟Uncleman外遊的日子，

都好令人期待！！！！！

明天的工作順順利利，等我了無牽掛的好好去玩下吧！(please!!!!!)

就等我地好似以下這隻貓咁hea！
(不過貓呀貓你係女仔，大街大巷坐成咁……檢點d好wo)

(原來我未post過lee張貓相出來！我真係好鍾意！)
it is a sitting cat!!!!!!

------------------------------------------------------------------------

最後送首歌俾大家，就係農夫的「眠眠」，
有些歌詞真的幾到肉，
「大部分香港人 (佢話) 出世無乜點瞓」
係囉…黎緊的假期我要訓多d訓多d！！！

作詞：C Kwan & 6 Wing   作曲：Clarence Au
點解我哋朝朝都要鬼咁早就起身
瞓得幾粒鐘返工有邊個會夠瞓
一路un 搭親巴士 一路哼
貼住窗口果條鐵柱 中吓中吓釣魚
到咗公司就竄 竄去男廁女廁恰番幾個字
快叉個電 諗起返工就眼瞓 起身走人就醒神
恰多一陣無過分 就當頂一頂癮
我費事係咁放蚊 有啲人仲揾緊
香港人係鐵人 係最勤奮既市民
佢唔知我地每人都有同一個精神
就係無乜精神

返工嘅O.T 起身又做做做
留下啲的士 臨瞓又嘈嘈嘈
返學又係咁補習 放學活動眾志成城
發夢都背乘數表 又加減又乘乘乘
果石屎森林好似一個動物園
呢七百萬人好似係團團圓圓
七百萬對黑眼圈 睇唔到個月亮有幾圓
淨係睇到好多嘢都未曾團圓

大部分香港人 (佢話) 出世無乜點瞓
(點解) 用盡護膚品祈求遮蓋住兩圈黑印
日後遇到西人 (佢話) 佢都嚇親
(點解你) 唔使瞓 (講真喎) 唔知幾眼瞓

我日日諗 我可唔可以瞓多一陣
離開個床襟仲難過遠離毒品
你有無聽聞有人起身會精神
我諗陳志雲要揾佢做個訪問
咇咇咇 咇咇咇 需要返工
Di Di Di Di 衰鬼閙鐘
嘟嘟聲提醒你要嘟嘟嘟
但係點解咁嘟咗我都唔係農夫
眼瞓眼神無神 最好嘅好人先會做香港早晨
返工我揾周公溝通 收工由香港玩到 Kowloon
城市人就係咁 我地係瞓又唔願瞓 起身我又要呻
老細問點至肯精精神神 咁將我份月薪轉做美金

大部分香港人 (佢話) 出世無乜點瞓
(點解) 用盡護膚品祈求遮蓋住兩圈黑印
日後遇到西人 (佢話) 佢都嚇親
(點解你) 唔使瞓 (講真喎) 唔知幾眼瞓

冷鐘有響過 返工都返過
始終無諗過 聽晚大家點過
分針有郁過 有雀仔飛過
乜都無睇過 一世就咁經過

望望個個都話有幾忙 忙忙無時間四圍望望
憨憨居居咁樣就收檔
無好好地去響往 無瞓過係張大床
望望個個都話有幾忙 忙忙無時間四圍望望
憨憨居居咁樣就收檔
無好好地去響往 無瞓過係張大床

大部分香港人 (佢話) 出世無乜點瞓
(點解) 用盡護膚品祈求遮蓋住兩圈黑印
日後遇到西人 (佢話) 佢都嚇親
(點解你) 唔使瞓 (講真喎) 唔知幾眼瞓