跳躍狂熱

自從Year 1 買左第一部數碼相機之後，
從此機不離手，係咁映係咁映，
難得在大學遇倒一班都喜歡拍照的同學仔
(我們走的路線不是對鏡頭微笑加V字的那種)，
大家臨老入花叢，拍了很多自以為十多歲的熱血照片，
佔據了我的電腦足足有12GB的空間，是十分有份量的熱血
其中一款最常拍的相片系列就是跳躍照，
我們由最初跳唔齊、跳到甩甩漏漏，
演變到最後成為跳躍之達人，
大家都在相機快門擦下的一刻有默契的同時躍起，
再到更加嚴謹地去講求更勁更好看的跳躍姿態，
試過在大熱天時下為求得完美的跳躍相而拍足一個多小時，
實在以為我地係拍緊廣告咁認真(查實只係無聊……)

錯誤示範︰雙腳要盡量提起營造「跳得高」的感覺，
垂直腳來跳的傢伙獲得的下場就係會被人話到一棟冇無！

再一次的錯誤的肢體示範……

在表情方面，則以浮誇為上品，波波的樣子是最佳示範

 

 

 

 

 

無論是其蘭花手之尾指或是其十分大塊的舌頭，
都完全可見她把身體的任何一個小部分都演繹出浮誇…

當雙腳提起跳，地上的影子會特別美麗！

大家都成功雙腳跳起了！

為了成功跳起，事前的準備功夫不可少，奮力訓練腳力是基本……
(lee班人真係走火入魔了……)

去到後期，已經純熟到試兩、三張已經可以齊齊雙腳跳起！死未！
(不過其中karman是一個炸彈，經常得佢一個跳唔倒而被人圍攻…)

這項活動講求的是被拍者sss之間和拍照者之間的默契！

難得有班人肯同你癲，大家已經train到一有相機就自動波擺pose，
甚至會相約一齊著白色衫、黑色衫令相片更有氣勢，
這樣的物以類聚，實在是太amazing的緣份了，哈哈

樹都可以映一餐…

白色風暴……連排位都是自動波自己攝位俾戲…

多謝我的同學們，
令uncleman到台灣都死要跳跳跳、死要拍懶有型的相片、
死要唔知醜拍許多放下自尊的照片……