台北小破爛咖啡館：熊啤下的小幸福

每次去台灣都好鍾意去佢地嘅Cafe，每間Cafe都有自己特色，而我去過咁多Cafe中，印象中間間的食物都係好味的，所以「尋找Cafe」係每次去台灣的指定動作!

這次要介紹的係一間叫「小破爛」的Cafe (竟然叫自己做「小破爛」，好創新的名字...)，名係咁叫，但「小破爛」一啲都唔破爛，仲好舒服好有Feel，至於點解要叫呢個名，去完的朋友大概都會估到了:)

Cafe的門口係一塊生銹鐵做成的招牌，這隻熊啤應該係這間Cafe的icon 吧

一入去就見到這個吧台，紅磚牆身，以木為主的擺設，感覺很warm (或者可以講: feel so文青)

整個Cafe中的細節小擺設都很有趣，應該有很多都係舊物，或者係把「垃圾」循環再用

就好似這套檯櫈咁，有木頭+唔要的吉他做的櫈、類似小車站中會出現的長木椅，仲有個由木滾輪改造成的檯仔！

裝餐具的都係舊罐頭

很佩服佢嘅仲係用菲林膠盒改造成的調味樽仔！

Cafe中仲有好多有心思的小物同擺設～


 

Cafe一邊的設計係一整牆都係木架，木架中擺放舊相機同懷舊擺設，就好似一個小小展覽咁，仲有車牌、手壺等等，相當有趣!

Cafe的另一邊盡頭就係呢個大熊啤牆，因為去的時侯係冬天天氣，所以熊啤會圍住頸巾保暖XDDD

熊啤牆身旁邊有一堵牆貼曬舊相機廣告，睇到我好想有時光機帶曬佢地返來!

響這邊又發現左一張相當有趣的櫈，我地叫佢做層層疊櫈，係由多舊舊木頭砌成的

Cafe靚就靚，唔知啲野飲野食好唔好味?
well......我去到邊都要點Green tea latte......
綠茶味都幾濃，奶泡幾順滑，最緊要係佢唔係好甜～(我有個奇怪朋友點左杯「芬達汽水咖啡」，想挑戰的朋友可以試試看......)

小破爛出名的食物係Bagel! 所以我地一行人不論幾飽都要點返一個咸一個甜來試下～
咸味的包點左原味配火腿生菜，甜的點左朱古力味配Oero醬(佢有幾款醬任君選擇)，可能因為冇配料，甜的更易食倒Bagel本身的味道，好煙UN好好咬，我本身唔係太鍾意食甜野，但都覺得加埋Oero醬好好味! (點解我次次都要深夜先寫呢啲來作賤自己......)

給大家睇睇小破爛的全景

看吧～小破爛一點都不破爛，佢將好多人地可能覺得係「破爛」的物事組合改造，成為左一間有特色的Cafe，響呢個環境下同朋友傾傾計睇睇書，是旅行中的小幸福 (仲可以有好味bagel....> 原來這才是我的重點....)

小破爛咖啡館
地址：台北市松山區健康路9號
(捷運南京東路，得一個出口，出來後往小巨蛋方向走，中間就係經過健康路，轉入去找出小破爛就是了!)

營業時間：
週一 – 週四: 7:30 – 20:00
週五: 7:30 – 21:00
週六 – 週日: 8:30 – 21:00

【好好食】風林火山-超有風味的日式居酒屋

早前跟友人去台北(而我已數不清是第幾次了......)，於是在台北工作的師兄「吹雞」約食飯，幾位不同屆的師兄師弟妹其實在香港沒多少機會一起吃飯，想不到倒在台北聚集起來聚會成功！吃什麼當然由已變成「地頭龍」的學長推介，結果他帶了我們去一家叫「風林火山」的日式居酒屋晚餐!

恕我毒，一見到「風林火山」這個名字我只想到漫畫《網球王子》中真田弦一郎的絕招......（後來才知道是出自孫子兵法，失敬失敬)，名字很有型，但其實是一家很有人情味令人很開心的居酒屋！

一打開木門，感覺就是一間小有歷史很有日本味的居酒屋，圍著Bar檯有很多客人，店員一邊為他們上菜一邊跟他們談笑，Bar台內中間有一個超大的爐燒著很多食物

但我們這次人太多不能坐Bar檯，如果人少少一定要試試！我們坐的那一區有三大張檯，每張檯都坐滿人，隔離一檯還疑似是日本人！其實坐位蠻擠的，但大家都坐得好開心！

周圍的佈置連個餐牌也很有舊日本風味，但最有日本風味的非那店員嬸嬸莫屬，
那條headband! 那個日本樣!

日本居酒屋點可以冇啤酒!!!!!!!!!!人黎!!!!!

師兄說他第一次來這居酒屋是台灣朋友帶他來的，結果來一次就愛上，之後自己也成為了熟客，因為食物真的好好吃老闆跟店員又好親切好好玩～～

其實我們點了很多食物：沙律、魚生、海鮮味噌湯、燒飯團同好多鐵板燒食物，但我只有拍了以下兩樣......因為一心只係掛住食!!!

這個燒雞肉丸是一定要點的！十分的Juicy及鮮味，雞肉中還有一些些軟骨，香滑得來有咬口！

一看這個「雞軟骨」就知跟我們平日吃的那款不同！這看上去實在很多，是真正的雞軟骨！
燒得十分香，真的很好咬～～～（嚼嚼嚼)

然後我十分飲恨沒有拍到「燒雞屁股」!!!
可能大家看見「雞屁股」這名字已彈開，但來到風林火山，請你先放下雞屁股的成見，給他一個機會，總之一定要試試，雞皮燒得外脆內軟又不膩，十分的香口，我自己平日也不吃雞屁股的，但吃到這個真的覺得好好食.......呀我一邊寫一邊又回想到那個味道那個口感，很是痛苦（翻滾）.....

噢下面這位可愛的叔叔就是老闆! 他會走去每檯跟客人「吹吹水」說說笑﹐更會跟客人比飲酒(豪氣! )，這晚他要我們跟他乾幾杯清酒（當然我冇份)，真的十分有深夜食堂的鬧哄哄感覺!























而那一晚......如果只是以為乾幾杯清酒就了事就錯了，因為其中有一位客人生日，於是Bar檯中央的店員化身成為主持人，拱那位生日的客人去到Bar檯中間再飲大大杯清酒，全場熱烈助慶十分搞笑! 而每檯人也走唔甩，因為老闆為慶祝客人生日每檯又多送幾杯清酒，於是每檯又一路飲飲飲......


風林火山裡面那種有少少暗又燈光和暖紅通通的環境真有走入另一時空與世隔絕的感覺(尤其是一走出去就是冷清清的大街)，跟朋友一起享受食物開懷大笑就是最適合在風林火山做的事!!!

呀～～～
美味的雞屎忽～～～～～～ （痛苦吞口水)

－－－－－－－－－－－－－－－－－－－－－－－－－－
風林火山居酒屋
地址：台北市中山區中山北路二段77巷16 (捷運雙連站下車)
營業時間：17:00-00:00
電話：02-2581 5365 (假日最好book定，因為人很多而大家都會坐好耐!)

我的Blog終於終於終於重生了!

離Yahoo Blog「結束營業」已有近4個月......而我終於終於在今天完成搬Blog工程(吐血)!

想當時知道Yahoo blog要收攤，真是相當震驚，心想：連Yahoo都搞唔掂，咁點好?! 雖然當時的Blog已有些荒廢，但很不捨之前在Yahoo Blog的回憶呀，尤其是Uncleman的.....

所以我一定要成功搬Blog! 結果......這個過程充滿阻滯，由備份後發現相片死link要重新upload到google drive再到下載轉blog工具後發現mac機不能用到剛好弟弟的PC也壞了到要等PC整好到轉XML檔幾次不成功到試用wordpress誰知又登記不到到成功用到轉blog工具到終於可以匯入Blogger到匯入後的相片超級大到終於叫做執好template......真的整到頭都大!

然後直到今天!!! 我要宣佈終於完成工程，我的Blog回來了嗚嗚嗚嗚嗚(天知我有多感動)

開心之際望到日曆，可以再次引用這張圖，只是Caption要改改......

於是又陷入假期就完症侯群病症中......