本來無緣看體操表演的我，
在表演前一天突然冷手執個熱煎堆，
可以在今天去一睹體操健兒的風采！
只可以說，整個show都是尖叫不斷，
因為女觀眾一見到男子體操運動員就會叫叫叫，
尤其是他們show肌肉的時候……
當中最最最最受歡迎的就是李小鵬和年僅20歲就奪得三面體操金牌的鄒凱，
他只要一笑……在場女fans就不停尖叫，
「呀！佢笑喇！」可愛的鄒凱好得女性歡心！
當然，陳一冰、楊威的fans都不少，
所以氣氛十分熱烈，運動員們都樂得表演一下
(加插自創的玩野成份，例如除衫玩吊環、孖住玩鞍馬……)，
搏得觀眾的熱烈掌聲！
(咦?咁女子體操隊呢?佢地都有黎，
不過獲得「尖叫」的聲勢就不及男子隊了，鬼叫女fans多咩)
表演說是10時半開始，但早到一個多小時的我們竟然甚有眼福……
可以看著他們熱身！
男子組熱身，這個動作咪就係我地PE成日做既? 金牌選手都唔可以忽略基本熱身呢！
鄒凱，做咩唔跟住師兄做分腿呀?
鄒凱一邊熱身一邊和隊友吹水吹得好開心……
突然一名金牌選手(臉給擋住不知道是誰)倒立，「見點開眼」的觀眾一輪尖叫……
鄒凱同李小鵬不是在玩騎大象啊，他們是在熱身！
女子隊的熱身隊形十分整齊，好像在表演一樣！
她們的身體真是超級柔軟！
狂想片段︰
程菲︰「喂喂喂！好支力呀！幫我踩下背先啦！」
隊友︰「成班觀眾睇住架wo！」
程菲︰「不用理會啦！他們一定以為我們在熱身！」
(純粹玩下，唔好打我)
李小鵬的熱身……竟然做做下除衫……全場叫到爆！
看不到熱身的人……可能會大嘆可惜……
小鵬是日賣大包！
陳一冰的吊環熱身，這張好像沒有了腳似的！
正式出場了！
藍衫的就是香港體操隊！
先來鄒凱的自由體操！
鄒凱可愛的笑容完全挑起了在場雌性動物的母性！
(他邊做自由體操又時不時偷笑著，好cute呀！)
何可欣高低杆表演！(真係好勁呀！)
樣子經常都笑咪咪的江鈺源——自由體操
楊威和肖欽來個雙人鞍馬，試跳時候撞了一次，
之後就轉轉轉都不會撞！
另一個萬人迷……李小鵬和隊友黃旭來個雙人單杆！
如果這個時候他們在上面猜包剪dup都幾攪笑……
好型呀！！！
笑得好開心的小鵬~~
到小鵬solo了！擺個型pose先！
做做下玩野，像青蛙似的蹲在雙杆上！更站在杆上！
攪掂！多謝大家！小鵬更十分識做的送出飛吻！
常常留意到他們之間的感情十分深厚，是「哥兒們」的感覺！
得閒冇野做玩下高低杆的李小鵬，搶曬風頭哈哈哈~~
一名港隊成員坐到了退席的小鵬旁邊傾談了起來，
是在請教什麼嗎? 只見小鵬同佢好好傾，毫無架子呀！
李shan shan的平衡木！
而吊環王陳一冰和楊威就來一場有戲劇性的吊環……
楊威(摸住一冰的手臂)︰「死仔包，操到個手臂咁大隻，想搶我風頭?」
一冰︰「吹呀??」
楊威︰「醒醒定定呀你！唔好失禮我！」
但是陳一冰竟然(扮)上不到吊環，而且動作也讓大師兄不滿意……
楊威︰「你應該係咁做呀嘛！」
陳一冰︰「咁叻你做啦！」
好！就來大哥楊威示範一下！
楊威︰「咁先似樣架嘛！」
之後陳一冰再做一次時，連衫都除埋，全場大大大尖叫！
楊威︰「估你唔到連衫都除埋，真係唔夠你黎……」
一冰︰「洗咩講！」
再黎！！！
十字懸垂！
女觀眾不停尖叫……「好大隻呀！」「好型呀！」
好隊友來yeah一個！
大家姐程菲出場了！
真係唔知點解佢地可以原地係咁彈係咁彈……
到了這個環節，就是現場抽出幸運觀眾，可以跟運動員學一個他們的熱身動作！
咦???竟然抽中的都是女生??????
這個時候聽到有人說︰「梗係啦！抽倒都搶埋男朋友d飛，咪全女班囉！」
楊威好識做，來一個簡簡單單的！
而小鵬……竟然係教人跳舞……
而鄒凱……不懂得做太簡單的熱身，做的動作沒有一個人學得到……
鄒凱像在說︰「咁都唔識????」:p
鄒凱︰「做lee個啦！好簡單！」
在場幸運兒︰「……」
主持人︰「拿，你再做d簡單d啦！唔係佢地唔識架！」
鄒凱︰「下……真係咁難做咩?」
算喇……教個燕式平衡算喇！
就係lee下！鄒凱扶著女觀眾，惹來其他女觀眾的大叫……
幸運的女觀眾惹來一聲聲羨慕又妒忌的叫喊……
而一冰，都十分識做，教一個完成動作！yeah!
可憐站在一旁的女子隊……
沒有人要請教她們的熱身動作……(因為下去參與的女生眼中都只有男隊員了..)
最後要由主持人出來要點個女隊員，才可以有機會和觀眾互動一下……
好！再見了！好多謝你地咁俾面！請繼續努力！byebye!!!!!
他們都是自小開始很努力很努力，當人家年輕人開開心心正在玩的時候，
他們就要不停的練練練，才有今天的成就！
鼓掌！！！
發表文章
