Day 21 (part 2) 花蓮
上回說到，在我們花蓮的第二間民宿「觀星水閣」內，
看見了令人震驚的寵物……
鴕鳥！
「明天早上可以弄鴕鳥蛋早餐給你們吃呀！」老闆娘笑說。
「真的嗎?好呀好呀！」就嘗嘗這是什麼味道:p
當我們繼續興致勃勃地看著鴕鳥先生和小姐時，
只有肥Kim遠遠的帶著一絲驚怕……
為什麼??原來肥Kim除了怕雞、怕白鴿之外，還有點怕鴕鳥！
(很多人怕貓怕狗，但肥Kim竟然怕雞和鴿！)
後來看看……原來她怕的都是鳥類……
「你唔覺得佢地個頭好核突架咩??」肥Kim一臉厭惡且理所當然的說，
像是
雞頭、咕頭(肥Kim稱鴿做「咕咕」)和
鴕頭就是世界上
最恐怖的東西……
「一d都唔覺！有咩咁核突呀！」可能真係一樣米養百樣人，
大家都有各自怕的東西，不過……
仲有冇人係好像肥Kim係怕雞頭、咕頭和鴕頭???
講完鴕鳥經，我們終於捨得參觀一下……這個外形最獨特的觀星水閣！
就來一集
《更上一層樓》，雖然沒有除淑敏做主持，
但勝在這裡的靚景是真是靚景，而不是徐淑敏看著窗外灰灰綠綠的大海+
高樓處處就說︰「嘩！個景真係好開揚好靚！」
(以下請想像是徐淑敏的聲音讀出)
歡迎大家收睇《更上一層樓》，我們今日要介紹既就係位於花蓮既一間
田園風味民宿—「觀星水閣」。
一踏入民宿範圍，除左會俾幾隻鴕鳥拋窒之外，
仲會為民宿的外形而驚喜……
依家就同大家去睇一睇！(轉身入內)
嘩……真係好靚呀！(徐淑敏走到屋前伸開雙臂，轉了一個圈後說)
觀星水閣民宿分兩邊，依邊既民宿凌空架起，屋頂呈三角形，
呢種閣樓式屋頂看漫畫就看得多，真實既相信大家都好少機會見到倒，
凌空架起既四小屋就好似積木一樣，真係好特別！
雖然實用面積唔可以用到盡，但係響同區樓黎講，外形真係贏曬！
而且樓齡唔算高，真係一個好選擇黎架！
廣告返黎就帶大家去睇下周圍既景色！(徐淑敏甜笑)
#$%^#&*@&！唔扮徐淑敏了！好累！
就讓我直接看圖說故事好了！
首先看看今天的天空……
嘩！在這片藍天白雲下，把有著可愛外型的觀星水閣襯托得更美了！
觀星水閣零零仃仃的立在一片田野之中，自成一閣，景色怎樣?
說多都是多餘，用眼睛看看吧:)
一邊是綠油油的田野……
門口的一旁是一片在陽光下茁壯成長中的水稻田……
(經blog友指正，原來這是水稻田)
講堅！我咁大個女第一次咁近距離見到咁大的水稻田！
密密麻麻的稻穗，在陽光下變得好美好美……
在我眼前的是真真實實的麥穗！話時話，如果有個人姓杜叫穗都好型！
來多看一看屋子的正面吧！
那民宿內又有什麼呢???
有一個籃球場！這裡會供給你打籃球時極需要的清新空氣……
有請Uncleman中的三井壽—波波！
三佢條命，lee個人既手係冇力架！
屋內還有一些小桌子、小椅子讓你悠閒的坐一天
(天氣炎熱的日子除外……=,=好可惜……)
還有一個小小的池……
oh my god!!!睇返d相真係覺得好靚！
掬一池清水，惹一輪漣漪，少女心事誰人知? (純亂up廢up扮作詩)
有藍天有白雲有池有田……當然，少不了花啦！
顏色艷麗的花是藍天的
唇彩，而且貼服持久，為藍天綻放迷人色彩！
屋子的後面呢?就是一個小湖！
四間小屋伴著倒影，畫面更有趣……
走進房間內，是樓中樓有兩層的，大家一起更上一層閣樓！
望望呈斜面的天花? 是一個可以讓你跟藍天say hello的天窗，
除此之外，還可以給你玩過三關，只要你夠薑爬上去擺個「O」或「X」
在這個環境 ，真的一點都不想走和動了:p
於是Uncleman由屋外扮型……
到研究小泳池如何放水……
到有人研究行程……
看看波波的手臂！怎麼這麼
黑！
像是接上了黑人的手臂一樣！
到大家擠在床上吹水廢up……
一張床竟然迫了三個人，看看波波的旁邊還有一雙腳=,=……
肥Kim應該正在測試經過多日環島，大家的肚腩有沒有長大到，
結果由波波的「麻糬肚」獲勝……
就如以上的這樣……我們在民宿各處悠閒的說說走走躺躺，hea了好久好久……:p
觀星水閣有著一個美麗的名字，本來心目中的它是華麗一點的，
想不到卻以一個清新的田園風格出現，但我喜歡這個親切的田園悠閒感覺！
以上這篇圖多過字好好好好多的blog，正是要
曬你冷！(順便曬埋自己冷)
看看我們眼中的花蓮民宿有多美……
(註︰「曬你冷」的意思就是全都秀出來的意思 :p)
《更上一層樓》的什麼遠離煩囂、以大自然為賣點的獨立屋? 差太遠了 :p
(待續)
------------------------------------------------------------------
之前一篇說的迫地鐵，看來好多人都有共鳴,
yes!!味覺加上視覺上既「毛髮毛天」(肥毛，唔好以為lee個又係你地頭！)
，真係令人……
不過冇計，為兩餐都要迫下去，加油吧香港人！
再之前一篇，有人說可把joker畫個護士裝，
其實我都好想！因為我都好鍾意joker既護士look，
仲有加台語，真係值得考慮呀下:p
丸丸，下一次我會盡力晝batman畫到型:p
我同你都係batman車的fans!!!
話時話，係咪去imax睇多次姐丸丸???
一直睇大家的留言都覺得好攪笑，真有心！thanks so much！
不過近來繁忙，可能要多一點時間才回覆，不過我一定會睇曬的！:)
發表文章
